拍《金宵大廈2》！林子善未知邊個係對手

藝人林子善今日在電視城為新劇《超能使者》開工，他透露跟陳山聰飾演雙胞胎，是對方的哥哥，但對這個設定大感不慣，他解釋：「因為我嘅契爺係山聰阿哥，我入無綫之前已經成日一齊食飯，我叫慣山聰做阿叔，所以有時都改唔到口。依家拍劇，山聰叫我阿哥，我有時都應唔到。」

子善稱8月會開拍《金宵大廈》第二輯：「新一輯係單元形，監製話我個角式未必由頭帶到尾，我話唔緊要，最重要係觀眾鍾意。第二輯對監製嚟講都大壓力，以往第二輯會戲味濃，但唔夠貼地，今次希望會貼地啲。我嗰個單元係講父子情，我聽完個故事好鍾意，因為我喜歡拍親情戲，但就未知邊個對手，上次我同張曦雯入咗電子遊戲世界，今次都會有啲似。」