倪晨曦拍片嗌大家踢走懶惰　網民讚有創意

有唔少人做嘢都係「踢一踢先郁一郁」，如果唔係有人鞭策吓，都唔會有動力去做！呢排大家因為疫情關係，所以多咗留喺屋企，呢日藝人倪晨曦拍片模擬大家宅喺屋企，着住睡衣喺床上食零食，話畀大家知再咁樣落去，真係好易變肥㗎！

突然之間有隻「手」拎起佢，掟佢去做運動，篤一篤佢即換上運動裝，仲輕輕鬆鬆拉吓佢個Body：「I just need an extra hand to kick out my laziness.（我需要額外嘅手去擊退我嘅懶惰。）」唔少網友大讚呢個短片夠晒創意，仲留言：「我都需要一隻這樣的手！」