唔剪脐带！陈小春细仔出世改花名“Hoho”

艺人陈小春中午现身养和医院，刚荣升第二任爸爸的他获记者连声恭喜，他透露BB于5月29日（农历四月初七）出生：“开刀嘅，依家改咗佢花名叫‘Hoho’，即系‘好好’。（入咗产房？）系，拍咗好多片，不过我冇出手剪脐带，留返专业人士啦，畀咗钱喎。（追多个？）留番你（记者），够皮喇，一家四口，成双成对！”

他表示已在医院陪太太数天，大仔陈胤捷（Jasper）有点“抑鬱”：“我哋入院临走前，都同佢big hug咗，知道返嚟之后就唔止一家三口瞓，感觉有啲奇怪。佢突然间问我咩叫Jealous（妒忌），我唔知点解释，惟有同佢讲‘no big deal’，头先同佢视像，平时好多嘢讲嘅佢突然间好静，直到我同佢讲，夜啲返去陪佢踩单车同睇波，佢先开心番。（见过细佬未？）寻日见过。”