雙豪出海！周柏豪袁偉豪晒肌沖涼傾心事

由「雙豪」周柏豪及袁偉豪主持的無綫全新節目《兩個小生去camping》今晚首播。二人上山下海玩過不亦樂乎，先比試紥營，繼而換上「全副武裝」下海浮潛，鏡頭下展示香港水底罕有美麗的珊瑚群。

浮潛後二人「晒肌」，赤裸半身邊洗澡邊傾心事，原來二人已相識超過20年，更爆出當年「ICQ情緣」，柏豪主動加偉豪為朋友，自此二人不時暢談生活鎖事，相當投默。柏豪主動透露去年陪太太入產房的事前準備功夫：「前一日剪咗頭髮，但朋友話要戴浴帽。我又同老婆講話想着西裝入去見個女，最終揀咗件粉紅色衫，話晒囡囡嘛。」

偉豪提到當初參加「香港先生」競選時考慮了幾年，起初以為自己「唔得」，但眼見連續幾屆港生包括黃祥發等成績不錯，才放膽一試，結果奪冠，入行後更發展不錯。後來談到異性為自己下廚，他表示：「試過有朝瞓醒，對方為我準備咗早餐，當時大家唔知大家口味，點知佢整咗薯餅同咖啡，啱晒我，梗係加分啦！」