「ViuTV廣告女皇」冠軍李莉（Lily）與經理人及一眾關心郊野環境的KOL、運動員等參與《五區山野大奇蹟日》活動。

Lily表示眾人分多區進行活動，沿途收集垃圾及向遊人派發提示帶：「冇想過郊野垃圾堆積如山，口罩、膠樽、煙頭都預咗會有，我哋都好環保，用可以回收嘅膠袋去裝垃圾，我帶個米袋上嚟執，屋企人仲幫我儲咗幾個，執到盤滿缽滿咁走！」

最近健身室重開，她把握機會去操吓：「我都餓咗一排冇得做運動，難得今日成班人行山執垃圾，又可以流汗，一舉兩得！」

Lily的經理人Kitty近年成為行山KOL，在網上分享行山經驗和心得，今次難得與旗下藝人參與了一個很有意義的活動。