《飛虎》再添食拍第三輯 苗僑偉:有工開唔怕辛苦

2020年06月02日 17:11
東網電視
更多新聞短片
《飛虎》系列再添食!
藝人苗僑偉(三哥)、馬國明、黃宗澤、吳卓羲及陳山聰等現身電視城,出席熱播劇《飛虎之雷霆極戰》宣傳,場面相當熱鬧。席間公布收視,該劇首播錄得31.7點,更成為自2016年起,二線劇收視之冠,可謂飲得杯落!而高層樂易玲宣布即將添食,開拍《飛虎3之壯志英雄》:「夏天開工,相信大家會辛苦啲。」三哥笑言:「有得開工唔怕辛苦。」
三哥及馬國明齊齊受訪,三哥笑指馬國明是「鎮台之寶」:「依家兩單線劇都係佢喎。」馬國明回道:「你先係呀。(《飛虎3》有冇你?)冇,我仲拍緊《BB大晒》,下次再同BB合作都真係要考慮清楚,有啲難搞,湊佢哋好攰,每日都拍唔晒啲戲份。」談到吳啟華就內地萬人迷女星「送上門」一事致歉,馬國明坦言:「件事好似都因我而起,發生誤會搞到有人唔開心,我都鄭重道歉,希望大家唔好再發酵落去。」
另外,黎燕珊於《飛》劇內扮演議員,她坦言事前有睇片作參考,角色大感新鮮,但自爆:「今次好似口才好好,但真係冇諗過從政,淨係做演員好嘞。(通知妳拍第三集?)暫時未有,不過相信公司有適當嘅安排。」