做番好老公！老婆剖腹誕子　黎振燁再追多個

藝人黎振燁早前被爆搭上新劇拍檔朱智賢背大肚妻偷食，被揭到山旯旮食蛋糕，兩人形象插水，但黎振燁知錯獲老婆原諒，早前黎太產前檢查時，驗出BB臍帶纏頸，以致黎振燁和黎太都十分擔心，據知擇定日子剖腹生子，黎太今日在私家醫院順利誕下兒子，母子平安，而黎振燁都一直守候在身邊。其後，黎振燁於私人社交網上載與囝囝的合照，非常有愛。

據知，黎振燁兒子大約早上10時多出生，體重接近7磅，而B仔早前被驗出臍帶纏頸，但慶幸出世前臍帶鬆了，加上剖腹生產，沒有太大影響。黎振燁親手剪臍帶，感覺奇妙，而太太更開心到喊，醫護人員覺得似爸爸，又指BB頭比較大，是大頭仔。而黎太已返回病房，但藥力未過仍在休息中，黎振燁在床邊陪伴太太。黎振燁本身好鍾意小朋友，想過再生，不想兒子一個，但經濟問題，追都唔會咁快。

問到做了爸爸心情如何，他接受東網訪問說：「開心、緊張、興奮。（幾時陪太太入院？）尋晚。（幾時出院？）未知要留幾日。（今晚可會留院陪太太。）有需要會。（識唔識湊B？）有一定經驗，因為屋企人都有小朋友，名就未諗。」黎振燁晚上七時多離開醫院，在產房時有抱過BB，很正常和健康。而太太現在比較疲累，吃得比較清淡，想嘗試餵人奶，未知何時可以出院。