爆金剛大男人主義　梁云菲渴望自由不滿被當寵物

藝人金剛與台灣「國光女神」梁云菲喺4月分手，尋日梁云菲錄影綜藝節目《女人我最大》時，就公開大談分手原因，更揚言「不會復合」！

梁云菲話分手唔係發生類似偷食呢啲大問題：「是很多小問題累積成分手要素，可能是觀念不同，再來他40歲了想結婚，我覺得如果自己不是這樣想，也不要耽誤人家。」對方想成家立室，但自己就渴望自由同喺工作上搏殺：「我很喜歡現在的生活，老實講，戀愛沒有工作的這段時間，覺得生活很貧乏。」

佢又話覺得金剛好大男人，咩都一手包辦，包括煮飯洗碗、剷貓砂甚至幫佢洗頭，好似佢嘅寵物咁：「他希望我陪他多一點，他是甚麼都一手包辦的人，包含幫我洗頭等大小事，雖然很寵我，一開始很享受，但時間久了，可能做一件事都需要他同意，我不是那麼喜歡。」仲話：「覺得他很像我的監護人，我像他的寵物！」

兩人分手後都冇再聯絡，雖然彼此仍有感情，但佢堅決唔會復合：「不會！我很喜歡現在的生活。」