孖馬梓軒重遊成長地　植詠珊點解放棄做空姐？

香港開電視主播植詠珊（Cathy）及馬梓軒（William）日前齊齊重遊成長地屯門，分享童年回憶及工作點滴！Cathy入行前任職空姐，然而只做了半年，她坦言：「當初想做空姐，係因為覺得佢哋好靚！但最後冇做，係因為我暈機浪！每次喺機上，差唔多到派餐我都會嘔！機上個個同事好忙，唔好諗住佢哋得閒幫你，你淨係可以衝入廁所嘔，嘔完出返嚟做嘢！」

入行後，外出採訪經常接觸名人明星，被問及哪一次採訪特別深刻，Cathy笑言：「呢個問題我諗咗幾日，最後我覺得係訪問葛民輝嗰次！因為成個訪問佢不停整蠱我，更加冇諗過我同阿葛嘅搞笑互動會被剪出街，哈哈！」

至於William就對去年有幸訪問古天樂尤其難忘：「我有時覺得做專訪就好似應付唔同程度嘅考試，而訪問影帝，就好似考公開試一樣，因為兩位前輩氣場好勁！記得訪問期間，緊張到腦海有一刻空白咗，但空白得愈耐就愈驚，所以點都要諗到一條問題問落去，真係好考驗臨場應變能力！」