《創造營2020》新疆勢力　同迪麗熱巴有得Fight！

內地選秀節目《創造營2020》最近熱播，當中有兩位靚女相當受歡迎，佢哋都係維吾爾族美女，分別係希林娜依高同埋胡瑪爾！二人絕對有能力同前輩迪麗熱巴硬撼呀！

首先介紹番希林娜依高，佢依家喺眾訓練生中排名第一。希林娜依高今年22歲，來自北京，媽媽係新疆人。佢九歲時喺新加坡留學，依家就讀於美國伯克利音樂學院，認真犀利！其中一集，佢獻唱陳潔儀嘅《喜歡你》，仲要只係用咗半個鐘就學識唱！另外，除咗唱功勁，佢仲識得跳舞同Rap，非常全能！

之後，再介紹胡瑪爾。全名叫迪麗胡瑪爾，1995年出世，擅長跳民族舞。佢眼大鼻高，五觀精緻，非常靚女！胡瑪爾舞蹈科班出身，曾經喺藝考以第一名成績，被北京舞蹈學院中國民族民間舞系錄取，相當有實力。胡瑪爾最勁嘅，仲有佢啲腹肌，見佢社交網成日晒肌，男人見到都羨慕！