冧到似「叫床」!唐詩詠任陳展鵬摷嗌大力啲

20200609
東網電視
更多新聞短片
唐詩詠再同陳展鵬合作。
藝人唐詩詠與陳展鵬日前為無綫劇集《超能使者》,拍攝一場搞笑的按摩戲份,劇情講述詩詠是臨時演員阿頭,陳展鵬就去當臨時演員,點知詩詠見頭暈坐低,展鵬見狀即為她進行頭部按摩,點知展鵬一出撒手鐧,詩詠就冧叫,好似「叫床」一樣。拍攝時展鵬將詩詠個頭不等扭擰,又狂摷詩詠個頭,他謂:「夠唔夠力呀?舒唔舒服?使唔使大力啲?」詩詠就回應說:「舒服,好呀!大力啲。」之後展鵬謂:「乜你咁易滿足㗎!」
詩詠不斷咿咿呀呀,每拍完一個Shot,她的頭髮都亂到雀巢一樣,狀甚好笑,今次詩詠盡地一舖,盡顯醜態,拍了幾次以為收貨,殊不知監製突然謂:「嚟一個『有美感』啲嘅。」詩詠都要等一等,諗一諗「美感」怎樣演繹,不過貴為視后的她,當然一Take搞掂。
事後二人接受訪問,詩詠笑言:「我諗住要誇張啲,喜劇感大啲,自己都豁咗出去,以最肉酸一面示人,但監製想有少少美感。」說到展鵬令到詩詠High爆之餘,自己都摷得好開心時,展鵬打趣謂:「梗係!我成日訓練㗎!(幫老婆呀?)按摩啫!」在旁的詩詠又謂:「你下年又多一個(BB)!」展鵬即謂:「咁呢啲我嘅責任嚟嘅!」還大讚詩詠好嘢:「佢可以多條出路,我都冇掂到佢,佢反應都好好,好有潛質,我講拍戲咋!拍呢啲戲最緊要有個好對手!」
詩詠坦言自己未試過拍此類喜劇,今次是一個挑戰:「呢啲搞笑OK嘅,唔係意淫,好考演技,其實之前《唐人街》都有少少,不過呢套盡啲,最緊要拍出嚟觀眾睇得開心。」