認與女友同居!洪永城隨時奉子成婚

2020年06月09日 18:47
東網電視
更多新聞短片
好事近喇?!
藝人洪永城(Tony)下午出席無綫新劇《陀槍師姐2020》開鏡,席間被記者追問他於《兩個小生去camping》內,提到寧選擇陽萎,也不要光頭或大肚腩,他笑謂:「要維持藝人形象嘛。(之前又畀黃翠如笑短,冇問題嘛?)梗係冇啦,仲要大聲啲添。大家咁關心我,I love you all!」
講到其女友最近受訪自爆同居,Tony聞言亦大方承認:「開始咗幾個月,互相了解多啲嘛。(覺得女友有咩改善嘅地方?)嘩,想我返去跪玻璃咩?佢梗係完美啦!」談到被爆10日不清潔碗碟,他靦腆答:「我有碗碟問題,佢就有啲運動衫(唔洗)囉,不過我寧願花多啲時間喺事業方面,搵多啲工作,家務嘅嘢可以請鐘點啫。」
記者打趣指他隨時「先有後婚」,他爽快表示:「都有呢個可能,女友好鍾意小動物同埋小朋友。(有咗就負責任?)會處理嘅。(已諗緊結婚?)係會朝着呢個方向嘅。」