火辣夏水禮!劉晨芝晒東西半球撼湯沛宜

2020年06月09日 19:07
東網電視
更多新聞短片
又係時候去玩水啦!
嚟到夏天,又係女藝人出海晒水着嘅時候啦!藝人劉晨芝當然都唔例外,仲喺社交網開心Share靚相,睇到藍色Deep V泳衣上陣嘅佢,大晒東西半球,相當吸盯。就嚟返美國嘅佢留言:「我屋企人都叫我要非常小心,因為佢哋出街揸車經過,都見到有人揸住步槍,返到去可能要『坐監』,除咗做嘢真係唔夠膽出街,惟有依家喺香港多啲約老友出嚟,同埋出海練吓Wakesurf。」
佢接受東網訪問稱將於6月16日再返美國拍荷里活片,其實套劇原本3月就開拍,但因有臨時演員染疫而停拍,直到6月初劇組通知開工,卻遇上美國大型示威活動,致開戲又再延遲,佢嘅荷理活電影夢可謂一波三折:「應該月中返,不過一個星期得一班機,機票都好緊張,機位不斷延遲。(返到美國都唔敢出外?)一來驚人多擔心染疫,二來仲係幾混亂,所以我話好似『坐監』,依家趁喺香港爭取時間出多啲街。」
唔少女星都會趁住天氣好出海大玩水上活動消暑,呢日藝人湯沛宜(ToTo)就去到海邊,佢以比堅尼上陣晒身材,並將靚相上載至社交網,相中見佢雖然打側身,但其34F逼爆上圍依然相當突出,不過有網民就嫌唔夠喉,留言求「正面」。但唔使擔心,事關ToTo留言:「又到了bikini的季節了」,預告泳裝照陸續有嚟。
日模松岡李那(Linah)同樣玩「下水禮」,但唔消暑之餘反而「升溫」,皆因佢去咗浸溫泉,而佢亦好識做咁網晒靚相,不過只輕露香肩,相對地密實得多。