落夜場跳艷舞搵錢！林子善褲穿窿跌「雀仔」出嚟

藝人林子善、王君馨及劉穎鏇等下午現身電視城，為新劇《超能使者》開工。拍攝時子善以「彩虹戰士Look」直踩夜場跳艷舞，獲君馨等狂派千元起跳貼士，又將錢塞進其褲內，場面香艷，子善更搞笑表示：「跳舞咪得囉，做乜鬼嘢演員呀？」

談到這身造型，子善坦言接獲通知後花了數月時間操練，昨晚「脫水」上洗手間至清晨接近6時，認真用心良苦。他又自爆：「試衫時褲浪穿窿，成隻『雀仔』跌咗出嚟，要改衣先得。本來陳山聰要同我一齊跳，後來監製話劇情唔係好通，所以得番我一個。」

君馨笑指很想用手機拍下精彩一幕傳給子善太太：「話唔定佢揼奶再勁啲，做佢太太真幸福。（叫你老公跳？）佢比較怕醜，應該唔會有呢啲情趣。（睇過類似嘅艷舞表演？真人第一次。」

另外，提到日前開工，子善被劉穎鏇用掃把仆中頭受傷，他表示：「掃把方向歪咗出事，我即刻見到眼前有雀仔，即刻捉佢隻手去摸我個瘤，依家已經好番。佢平時好努力，今次唔小心啫。」