不滿搶走張寶兒螢幕初吻　袁偉豪詐周柏豪型

藝人袁偉豪（Ben）及周柏豪「兄弟班」上陣主持的無綫節目《兩個小生去Camping》，起初兩男展示粗壯手臂比併，及後齊齊炮製「400次咖啡」。

兩男步行到山頂談往事，柏豪指遺憾婆婆離世時，自己身在台灣睇演唱會，更指婆婆曾救他一命，結果令她腳上留下疤痕：「好感激佢為我做嘅一切，有次婆婆知自己時日無多，就攬住同我講多謝，所以到依家成家立室，有時去到啲地方都好掛住佢。」

而黃浩然與曹永廉則以嘉賓身份踩場，阿廉抵死點住燈籠嚟摸營，眾人甫見面即表示要進行鬥快流眼淚，結果由柏豪勝出。與張寶兒感情穩定的Ben，向柏豪詐型奪去女友螢幕初吻，他說：「睇佢（寶兒）都錫得幾投入喎！（有冇憧憬將來家庭？）都有，我名義上未結婚，其實心態準備好。」