吳若希終於承認佗第二胎　囡囡摸肚勁有愛！

歌手吳若希上月被指秘密懷有第二胎囝囝，湊夠「好」字。雖然佢疑因佗B未滿三個月，而一直未對外宣布，但就喺社交網洩露端倪，頻頻晒相都以大頭照為主，即使係全身照，都見佢着上鬆身衫，孕味甚濃！

而呢日佢亦終於承認佗B，佢喺社交網上載全家福合照，並留言：「一家。四口。」相中見佢明顯見肚，而囡囡就挨住其肚皮同BB打招呼，畫面溫馨！

吳若希老公都有晒相，佢留言：「我問Giselle想要妹妹定弟弟？她說：妹妹！我問她如果弟弟怎麼辦？她說：我餵奶奶比弟弟。好吧！那爸爸就給你一個弟弟，因為我怕妹妹你唔餵佢飲奶奶爸爸我會很忙。老婆～又要辛苦你了，I Love you。」間接承認BB係仔呀！