家有富爸爸！戴祖仪百万扫玩具　随时升值8倍

现年25岁的星梦歌手戴祖仪毕业于英国（莱斯特）大学名校法律系，有位从事地产的富爸爸，她有律师不做，反而投身演艺界工作。年纪轻轻的她具投资头脑及本钱，笑说：“我唔系投资股票、黄金、珠宝钻石嗰啲，呢啲入门价再高啲，我系另类投资！”<br/><br/><br/>原来祖仪早于3年前已开始投资自己喜爱的潮流艺术品及玩具品牌Hot Toys模型，近百件珍藏品有条理地分类存放在两个Studio，据知总值过百万！她透露玩具模型每款售价约2,000元，部分较多人抢购的限量版要预早落订，否则就要“食”炒价：“以前升值得比较多，近年有回落迹象，顶多升值一至两倍。”<br/><br/><br/><br/>至于其他潮流艺术品，价钱至少5位数，例如涂鸦大师KAWS的招牌XX公仔，有钱都未必买到，祖仪说：“要睇吓边只公仔，Classic多人抢嗰啲起码要6位数，如果炒价细细只嗰啲，5位数买到，都有升值潜力，最少多几倍！”她亦拥有一个巨型村上隆多啦A梦艺术品，同样价值不菲，至于空山基的机械人珍藏，她记得以过万元买入，如今已升值8倍！众多收藏品中，她笑言“课金”最多的，是去年底买入的Shepard Fairey一幅巨型画作，价值达6位数！<br/><br/><br/>虽然入行不久，但收藏品总值已过百万，祖仪否认是富二代，强调所有收藏及投资都是用自己的钱：“我毕业后就冇问屋企人攞过钱，系靠自己买。我由读大学开始就有做Part time赚钱，系用储蓄去买呢啲艺术品。我主要睇三方面，要自己锺意、睇佢嘅保值及升值能力。（屋企人会闹你买玩具？）又唔会嘅，一开始会讲几句，但知道我啲艺术品有升值，我又买得啱，佢哋就冇阻止我。”问到可会舍得将艺术品放售？她笑说：“未有想卖出去谂法，我系因为锺意先买番嚟，又唔系谂住赚钱，纯粹自己喜爱，所以都冇睇啲名画、艺术品升值咗几多。升咗咪觉得自己有眼光，如果第日去到好等钱使嗰日，咪卖番出去。”