蕭正楠同湯洛雯拍劇　爆馬國明日日嚟探班

藝人湯洛雯與馬國明戀情公開後，不少圈中好友都戥二人開心，而現時跟湯洛雯（靚湯）為無綫劇集《一笑渡凡間》趕拍的蕭正楠，被問到有否見過馬國明前來探靚湯班時，阿蕭抵死謂：「我醉心於我嘅事業，冇留意其他嘢喎！不過開緊廠嘅時候佢日日探我班，係曾經令我誤會過佢鍾意咗我，不過依家終於搞清楚，放心晒！」之後又正經表示會祝福二人。

而歌手胡鴻鈞與馬國明因先後拍攝劇集《降魔的》兩輯而成為好友，他表示：「我冇點特別過問佢私人感情嘢喎，你問我佢鍾意咩車我應該清楚啲?不過都好戥佢哋開心，衷心祝福佢哋！（有冇諗過馬國明會同靚湯一齊？）呢個世界就係充滿着好多估唔到嘅事?」