未來外父勁滿意 催馬國明唔好再低調!

2020年06月13日 18:59
東網電視
更多新聞短片
睇嚟,外父外母嗰關已經過晒喇~
藝人馬國明與湯洛雯(靚湯)拍拖兩個月,已達見雙方家長的地步,靚湯的爸爸兼藝人湯鎮宗與太太對這位未來女婿相當滿意。湯鎮宗夫婦今日出席姪仔的新店開張,湯鎮宗對馬國明讚不絕口,他表示﹕「多謝大家對佢哋嘅祝福,我都祝福佢哋,對馬國明印象好好,佢對任何人都好有禮貌、好踏實,不過唯一唔好係太低調,有實力係唔需要太低調,呢個只係講笑啫﹗」
至於湯太對馬國明畀足一百分﹕「佢一直都係乖仔,同佢喺電視一樣咁斯文有禮。(畀幾多分﹖)一百分,希望之後佢會超越滿分。」她透露跟馬國明食過一次飯,對方來家中作客打邊爐,笑指當時馬國明有點「驚驚哋」見家長﹕「希望下次可以試到佢嘅手勢,因為囡囡唔識煮嘢食。(馬國明話自己年紀都唔細,似心急想結婚﹖)我都知佢咩年紀,我覺得呢個年紀係時候結婚同搵對象,希望佢哋開花結果。我知道佢哋傾咗一段時間電話,有一定基礎,係確認咗先見家長,我都係最近先知佢哋拍拖。我都好放心同安心將個女交畀佢,我好相信個女嘅選擇。」