李璧琦做疫境廚神晒功架 網民求分享食譜

20200613
東網電視
更多新聞短片
其實節目3月已經拍完~
藝人李璧琦(Becky)近日孖吳錫輝,齊齊主持節目《輝哥為食遊III》,探訪特色美食小店,Becky話節目今年三月已經拍攝完畢,但因疫情關係,故節目延遲推出:「因為都係想介紹完畀大家之後,等大家可以去食吓,但因為依家有禁聚令,相信大家唔可以咁大班朋友一齊食飯,驚大家唔能夠可以去支持呢啲小店。」Becky表示今次拍攝時非常開心,每次都能夠食美食,又可以喺吳錫輝身上學習唔少經驗。
Becky透露因疫情關係,留在家中抗疫之餘,亦化身「疫境廚神」,喺社交網設立「為食B琦有煮意」:「我將我煮過嘅美食同大家分享,出奇地反應好好,網友大讚之餘,亦有叫我分享食譜,又或者叫我拍片教吓大家,大家發現我除咗識唱歌同做戲之餘,原來做咗人妻都識煮嘢食,有一個新形象帶畀大家。」