蔣嘉瑩搵海俊傑拍MV　主動要求親熱鏡頭

藝人蔣嘉瑩為新歌《囚鳥》拍攝MV，邀得海俊傑擔任男主角，全因喜歡對方於劇集《法證先鋒IV》的角色，笑言事前已跟導演溝通，望能有多一點親熱鏡頭，但為免老公呷醋，即使擁抱及挨膊頭也收貨。

談到該曲講述被男友視為籠中雀，不能接觸他人，蔣嘉瑩坦言此乃與前男友拍拖時的經歷：「當時拍咗7年拖，佢管得我好嚴，只要公司有男仔追我，就會不停叫我轉工，出街唔准過11點返屋企，就連同媽咪睇演唱會都要早走。（點走出嚟？）有次去加拿大探親，覺得愛一個人唔係要佔有，最終同佢提出分手，之後就遇番我呢個老公，其實我哋12歲已經識，佢係我加拿大同學嘅哥哥，撞番之後好快拍拖、結婚同生小朋友，到依家都咁幸福美滿。」