世紀破冰？馮盈盈江嘉敏攬頭攬頸合照

藝人馮盈盈、江嘉敏出席「TVB Amazing Summer」記者會。早前傳不和的二人獲邀合照，盈盈及嘉敏顯得相當大方，期間有說有笑，兼攬頭攬頸不似有芥蒂，嘉敏更表示：「我着波鞋咋，你（盈盈）可唔可以唔好影得咁高呀？」

問到二人是否成功相約食「生日飯」？嘉敏坦言：「約緊，唔會拖太耐，最多食番幾餐啫。我近排《七公主》廠期好忙，今朝七點幾先收工。」盈盈指這次是「船河新聞」後二人首度碰面，但完全與「尷尬」扯不上關係：「只係各有各忙，依家咪可以因工作順便見面囉。呢排我自己都比較靜，冇乜搞活動，又少咗出去啫。（有傳船河你有約腳喎？）過咗去嘅嘢唔講喇。」

當問到今次是否算是「友情考驗」？二人異口同聲表示：「冇乜特別，我哋少咗用社交平台，大家有少少諗多咗，其實冇咁戲劇化嘅。」嘉敏直言自己平日少睇新聞：「都係朋友話我知，或者記者朋友問我先知。」