歌手布志綸（Alan）有領取演藝人協會的抗疫基金，對於協會的安排惹起異議，他說：「我真係唔清楚，因為我係會員，演藝人協會公布咗，我收到呢個訊息，梗係申請，因為我已經半年冇工作㗎啦。」他既要照顧家庭，小朋友又要交學費，他說：「學費貴係冇減到，我又要供養我阿爸阿媽，自己又有屋企，所有開支全部都係自己，咁有個支援我咪申請囉。」

他指自己也屬基層人士，更自爆之前揸車搵食，他說：「唔係太搵到錢，事實演藝全行基本上都死晒，你問我，我嘅開支係好大，我覺得我係有需要呢個救援，至於邊啲有得申請邊啲冇，唔係我控制，要睇番演藝人協會嗰邊處理去安排，我都係佢哋提供呢樣嘢，我直接遞表格啫。」正如CASH（香港作曲家及作詞家）協會，早前也向音樂人會員派發五千元救助，在於他來說演藝人協會這個救助跟CASH一樣，其他事他真的不清楚。