何泳芍教Keep Fit　竟然叫你喪食？

前港姐何泳芍（Honey）身形弗到爆，佢拍片分享四招Keep弗攻略，點知第一式竟然「反傳統」，唔係叫大家控制飲食，反而叫大家盡情食自己鍾意嘅嘢，事關佢表示曾因節食造成反效果，減慢新陳代謝甚至導致暴食症，故建議大家減肥都要注重健康。

不過之後就愈講愈怪，佢唔單止教大家要學習新事物，分散注意力唔好只集中減肥，更指應該要學識欣賞自己，唔好執着於外在美，原來佢係借教Keep fit為名，實情係想話畀大家知活得健康，比起「為減而減」、盲目追求大眾嘅審美觀更重要，認真用心良苦！