【堅玩大．砲】胡美貽自嘲濃妝露出事業線

擁34D上圍嘅新一代「咪神」胡美貽（Nicole），因疫情影響搞到榴槤甜品生意要月嘔50萬，仲壓力爆煲睇心理醫生，雖然生活艱難不過The show must go on！Nicole仲有幕前活動畀佢衝刺，佢仲好努力經營社交網，今日就見到佢好大方咁晒出事業線，仲自嘲好耐都未試過濃妝見人，即時引出大批宅男留言畀Like！

「咪神」性感火辣其實都有另一面，一睇佢即時動態就見到佢前一日原來去咗玩大砲，講緊嘅係佢去玩槍械，Nicole嬌滴滴咁拎住大大支槍，一下一下咁Chok爆上彈，加上支槍嘅後座力驚人，又真係估佢唔到原來好呢味嘢～