10點先開飯？倪晨曦做廚娘　阿媽忍唔住出手

藝人倪晨曦（Elva）早前飛咗返多倫多探親，鑑於當時因為疫情關係，所以佢直情逗留咗段長時間先返港！最近佢將喺當地嘅生活片放上網，見佢為父母化身大廚煮「晨曦私房菜」，一手一腳煮素菜餐畀屋企人食，等佢哋食得健康之餘，又可以試吓佢嘅手勢！

佢先同妹妹去華人超市買餸，買完返屋企媽媽即做「監工」，睇吓佢究竟煮乜，雖然得到媽媽認同，但Elva開始預備材料都已經係晚上6點，令媽媽忍唔住話：「一個菜也沒有開始做，不能跟你着急。」

雖然見佢其實煮得唔差，不過可能得一個人關係，所以進度有啲慢，搞到媽媽忍唔住再入廚房問：「我來做你下手。」可能覺得再唔幫手，成10點先有飯食！當然最後Elva都能夠完成創舉，一家整整齊齊食飯之餘，仲碟碟清以示對佢嘅支持！