前港男陳偉洪使出追女撒手鐧　真係冇得輸？

「同學愛新鮮 戀愛大過天 想不想也日夜懷念 連甜夢也不夠甜」，呢句歌詞相信唔少90後嘅你哋都唔會陌生，唔知大家身邊有冇呢啲嘅女仔朋友呢？小編身邊就有一個朋友，每次拍拖時都全程投入，咩時候都話要陪男朋友，總之就係「有異性無人性」！不過我哋一班朋友都已經習慣晒，做朋友都係最緊要佢開心！

所謂「愛得深痛得真」，佢每次分手都喊到死，我哋一班朋友梗係陪伴左右，成為佢「最強後盾」！但係好彩佢來得快，去得快，好快就走出失戀嘅傷痛，同樣好快又識咗一個新男朋友，都係嗰句最緊要佢開心。不過提醒各位姊妹一句最緊要係「寧缺勿濫」，千祈唔好為拍拖而拍拖，亦唔好心急慢慢揀，皆因緣分嘅嘢真係好難講。

而今次我哋《 繽FUN劇場》就邀得特別嘉賓，佢就係2009年香港先生少年組冠軍陳偉洪，劇中講到女主角係一個好需要安全感嘅女仔，每次拍拖都係戀愛大過天，但當佢失戀最無助嘅時候，身邊突然出現咗一個高顏值又細心嘅男士，真係令女主角「叮」咗一聲，究竟佢哋最終有冇一齊？大家一定要留意喇！