撻着索爆華姐林宣妤？丁子朗高調晒生日禮物

2016年香港先生亞軍丁子朗，被指與2016年國際華裔小姐冠軍林宣妤拍拖。將於6月30日踏入23歲的丁子朗，日前於社交網上載一張林宣妤送贈的生日卡，並留言：「Till we fly again .（直到我們可以再飛）」旁邊更有個心心公仔，之後再上載一張由女方繪畫他的人像插畫，晒出林宣妤所送的禮物。

東網就此事聯絡丁子朗，他否認與林宣妤拍拖，並謂：「朋友知我生日，所以送禮物畀我，佢經常會畫畫畀朋友，我放上網只係想多謝對方。」至於留言「Till we fly again。」，丁子朗指全因林宣妤現身在馬來西亞：「呢句係借用一啲廣告語句，因為疫情關係，大家分隔兩地，唔能夠親自講謝謝，所以希望將來可以再飛，可以親自講多謝。」

其實早於去年兩人被拍到一起去街及慶祝生日，兩人關係甚好。問會否考慮發展一下？丁子朗謂：「依家大家都喺唔同地方，等疫情過咗，可以先再算啦。」