一齊做Gym！謝安琪小鳥依人挨實張繼聰

藝人張繼聰同老婆謝安琪（Kay）結婚13年，育有一子一女，至今依然恩愛如初，最近因疫情關係，兩公婆朝夕相對，反而有更多生活情趣，張繼聰不但親自操刀為老婆影寫真，早前佢哋仲一齊坐電單車拍拖睇日落，相當冤氣。呢日佢哋再次孖公仔出動，今次唔玩遊車河轉玩做Gym，張繼聰喺社交網上載佢哋去Gym房嘅合照，見佢哋着上黑色情侶裝，而Kay仲挨實老公膊頭，十足小鳥依人咁，認真Sweet到爆！