陳嘉樺39歲生日　S.H.E合體着白色姊妹裝冇夾過

台灣女子組合S.H.E成員陳嘉樺（Ella）尋日踏入39歲，生日正日除咗有老公、囝囝陪佢過，當然唔少得兩位好姊妹任家萱（Selina）同田馥甄（Hebe）！S.H.E難得合體着上白色姊妹裝，但佢哋事前完全冇夾過，勁有默契！三人更攬到實一實，又向鏡頭擺出心心手勢，認真姊妹情深。

Selina仲喺社交網搞笑自稱「地表最美團體」，而壽星女亦感性留言：「每一年我們都會把彼此生日的日子留下來一起過，今年也不例外，一輩子的家人，人生最美好的禮物，謝謝我兩個姐妹❤祝我生日快樂 #她們比較像我女兒 #我如果生的出這種女兒有多好 #勁寶也很好啦」