蔡卓妍晒爸爸舊照　同鄭伊健撞晒樣！

今日父親節，唔少藝人都有喺社交網出Post慶祝，大晒同爸爸嘅舊相，其中蔡卓妍（阿Sa）嘅爸爸年輕時留有一頭長髮，Rock味十足，連阿Sa都笑指爸爸似足鄭伊健：「我老竇以前真係好有型，我覺得真係有啲似鄭伊健㗎。」

至於馮德倫嘅爸爸後生時戴上金絲眼鏡，梳咗一頭油頭，獲網民指激似許冠文。而伍允龍、傅嘉莉及何珮瑜等亦有晒相，位位星爸後生時都有型有款，基因認真強大！