秦沛再娶妻？姜文杰自爆身邊出現神秘女子

現年75歲資深藝人秦沛不嬲都同一對仔女姜文杰和姜麗文，直頭係錫到佢哋燶，佢同太太更係模範夫妻！不過呢幾日姜文杰身邊忽然出現兩位神秘女子，佢大爆二人係母女，仲直呼其中一位較年長嘅女士做Pauline姐，父親節都係同對方過，唔講仲以為佢多咗個阿媽！

相中見阿Pauline姐一頭長髮，笑容甜美，風韻猶存，仲有對歐式雙眼皮，驟眼睇都有幾分似盧宛茵，而佢個女就濃妝艷抹，同樣都係長頭髮，原來係姜文杰同秦沛大玩變面App，將自己變做美女，仲拉埋老竇落水狂影，真係幾可亂真，唔怪得之姜文杰都抵死問網友佢「兩母女」似唔似樣啦！