拍完無綫即返ViuTV！顧定軒孖鄧麗欣打友誼波

演員顧定軒與鄧麗欣參演ViuTV的新劇《男排女將》終於煞科，左右逢源的顧定軒近日在無綫熱播劇《那些我愛過的人》中飾演追音樂夢的小伙子，而在《男排女將》中就做熱血排球小子，他說：「好開心終於完成《男排女將》拍攝，完成咗我未能完成嘅排球夢，因為疫情關係，原本3個月拍攝變成6個月，同劇組成員一齊經歷春夏秋冬。」

薯嘜造型入屋

他坦言因為無綫劇《那》令更多觀眾認識他，他說：「喺街度會有人叫自己個名，有時又會叫我『朱炳』角色名，同埋有好多人都會向社交平台私訊我，讚話好鍾意我個薯嘜髮型，好可愛。」相反他在《男》劇中飾演的『阿King』一角，卻是個充滿陽光男孩的造型，是兩個完全不同角色，他說：「煞科嗰刻都忍唔住眼濕濕，始終大家日日見面，突然間見唔到都好唔捨得。」