本日日本：戶外工作恩物！必買降溫10°C背心
20200622
東網電視
更多新聞短片
日本Thanko公司最近推出名為水冷Cool Vest Lite嘅背心， 聲稱可以為身體降溫10°C，絕對係炎夏恩物！（互聯網）
炎炎夏日要喺戶外工作，確係叫人相當難頂，有冇辦法有效地免受高溫煎熬呢？日本Thanko公司最近就推出咗一件名為水冷Cool Vest Lite嘅背心，聲稱可以為身體降溫10°C，絕對值得怕熱人士留意！呢件背心嘅竅妙在於設有一個水槽，讓你可以倒入冷水，與此同時衣服內則遍布了管子，穿上後只要一按掣，透過泵嘅驅動下，冷水便可以不停流動，從而達到冷卻身體嘅效果。當冷水變暖，只要倒出來再換入冷水便可即時回復冷卻效果，相當方便。水槽嘅容量達2公升，並設有強、弱及環保三種循環模式，隨背心附送嘅10000mAh電池可使用長達30小時（強循環模式）。背心Size為400×260×40mm，重量約760g，設有黑及黃兩色。而背心拆掉泵後可以清洗，保證衞生企理。售價為19,800日圓。