挑戰蚺蛇尖險中暑！李施嬅山頂跳繩單腳擺甫

近日天氣雖然炎熱，但唔少人堅持外出運動，李施嬅決定挑戰自己，去到有「香港第一險峰」之稱嘅西貢蚺蛇尖行山，佢話：「聽講是香港難度最高的山。來回大概10km，6至8小時。有樓梯，有沙路，有碎石路，有樹同草包圍着的小路，大部分時間都暴曬，最後還要帶手套攀爬石山，真不簡單。」

雖然佢話行到有中暑感覺，但都冇放棄，透露上到山頂見到眼前美境，非常開心，仲開心到喺山上跳繩、單腳擺甫兼扮蝴蝶影相：「我帶了2公升水，到最後都不夠。有點想中暑的感覺。熱到有點暈，累到腳軟，中途有懷疑自己是否夠體力落山。原來有人在挑戰這個山中暑，心臟病發，甚至死亡。挑戰之前真的要有經驗同做好準備。不過上到頂，真是一個世外桃源。I DID IT!I love hiking. Whenever I conquer a mountain, I feel invincible in life. .」