羅天宇幫胡㻗慶生　劉穎鏇開工唔去Party

藝人羅天宇（Joey）向來愛錫弟弟胡㻗，昨日是胡㻗的26歲生日，Joey更為他舉行生日會，與媽媽、家人及好友齊齊為弟弟慶生，雖然Joey比弟弟年長七年，但二人關係相當要好，Joey更於社交網貼相貼文謂：「Happy Birthday to my tiny little baby brother！」相當有愛。問到Joey會否想有機會跟弟弟合作拍劇？他謂：「都好喎！其實我哋都未試過合作拍劇，都想試吓，應該幾得意！不過最好佢演我哥哥囉！」

至於胡㻗的緋聞女友劉穎鏇最近頻頻為新劇《超能使者》開通宵，說到她沒有出席生日會，問到是否要開工？她謂：「我有send message畀佢呀！祝佢生日快樂，其實今個月我都有好多朋友生日，但係自己都一直日日開工，所以都冇時間，真係要等拍完劇先可以用朋友一齊食飯啦！」