開工前攝時間見！馬國明湯洛雯閨房速會3粒鐘

「視帝」馬國明早前被東網獨家踢爆，深入湯洛雯紅磡香閨，拍拖斷正，隨即二人大方在社交網認愛，獲全城網友熱烈恭賀，成為娛圈熱話。認愛不足兩星期的二人，仍處於熱戀階段，似足初戀小情人般，把握時間見面做「糖黐豆」！

現時正趕拍劇集《BB大晒》的馬國明，雖然劇集已接近煞科階段，但他在七月頭便要拍攝劇集《兒童醫院》，故難得有空檔，他寧願犧牲休息時間，在開工前夕爭取時間與女友拍拖，見得一分鐘得一分鐘！下午一時左右，馬國明駕車送湯洛雯返寓所，見馬國明手上拎住走佬袋。問到是否一早去拍拖？他笑笑口表示：「出去買啲嘢，晏啲返TVB開工。」隨即二人友善地向記者道別，便乘坐電梯到湯洛雯寓所。

「蜜」會約三小時左右，馬國明依依不捨地離開，便出發返回無綫開工。問到為何返工前僅餘幾小時仍要見面？他甜蜜笑笑口說：「都冇嘢咩講，多謝關心！（拍完劇咪有時間見？）之後有第二套劇開。」