Jessica游龍舟水！樂宜晒火辣比堅尼應節

今日係端午節，相傳游過龍舟水，會沖走身上嘅霉氣，所以唔少索爆女藝人，無論結咗婚定單身都好，去沙灘游水順便曬吓太陽啦！先嚟係「美女學徒」樂宜，擁有34C上圍嘅佢，向來都唔吝嗇喺社交網晒身材，雖然佢冇去到游水，不過依然上載多張性感泳衣相應吓節，等大家可以大飽眼福。至於另一位「美女學徒」吳紫韻，原來今日生日，佢上載咗張着住三點式做「影後」嘅相，唔知會唔會晒埋正面呢？

人妻代表、組合Super Girls成員蔡明思（Jessica），唔怕公眾假期要同人逼，去沙灘曬太陽，不過佢竟然P走身邊同行嘅人，指佢哋唔想上鏡：「天氣好=曬太陽。（出盡九牛二虎之力先Key走隔籬唔想上鏡嘅佢）大家估吓係邊個？端午節快樂」。