【同老婆有共識】敖嘉年自揭唔生小朋友原因

20200628
東網電視
更多新聞短片
敖嘉年大談演藝圈點滴以及感情事,可謂有血有汗。
演員敖嘉年今年1月離開服務24年的無綫,他接受電台專訪時憶述1996年由電台DJ轉入TVB主持《城市追擊》開始,到1999年轉到戲劇組當演員的經歷。原來及至他2009年憑《巾幗梟雄》蔣必文一角贏得「飛躍進步獎」,他也一直缺乏自信:「我嘅性格一直對自己冇信心,經常覺得自己唔夠好,演戲又演得差,經常想放棄想轉行,直至今日都係咁諗。」
雖然初拍劇階段曾被人稱為茄喱啡,但他稱自己在無綫一直「爆騷」人工夠餬口。至於到今年初才選擇離巢,他說:「其實已經延遲咗1年走,因為今年想專注4月演出一個關於周旋嘅舞台劇,簽咗公司約就要拍劇難以綵排,今年係一心想做舞台劇,奈何疫情爆發,所有演出要延至年底,去年11月首次演完齣舞台劇之後有好大滿足感,希望疫情過後演出能順利舉行。」
入行以來,他一直處理感情事低調,外間只知他2000年開始有一個曾經做過記者的圈外女友,及至2016年受訪,他才自爆二人已經於加拿大結束16年愛情長跑成為夫妻。節目中,敖嘉年感激太太陪伴他走過所有高山低谷,支持他跳出安全網外闖之餘,亦透露了兩夫妻沒有計劃生下一代的原因,他說:「我哋有共識,主要係我嘅意思,因為感覺喺香港生下一代,對小朋友來說係好辛苦,你睇呢幾年嘅學生唔似我哋嗰一代,每日放學就要補習,星期六及星期日又要參加咩活動,依家嘅情況係咪適合有下一代呢?」