搽活絡油頂硬上　泰臣停工7個月終於有Job

藝人泰臣將與城市當代舞蹈團合作舞台劇《實習魔法師的生命練習題》，近期因新冠肺炎疫情問題停工七個月的他，直言今次以「友情價」接演該劇，問到可擔心入座率？：「都擔心，但始終因為疫情，大家都停咗一段時間，好多嘢真係需要Run番，當然會擔心入座率，幸好，都收到消息依家都有九成入座率，同埋今次嘅合作係好特別嘅，因為係一齣大人細路都啱睇嘅舞台劇，希望令更多小朋友認識當代舞。」

泰臣今次的演出需要跳舞，他笑言初初練習的時候，都有一定難度：「一跳覺得自己啲手腳都幾硬，之後返屋企都要搽番啲活絡油，哈哈！」由於疫情關係，泰臣與一班舞蹈員都需要戴口罩練習，他亦直言排練時都會「弄濕」了幾個口罩，幸出來效果很好，再辛苦都值得。

新冠肺炎疫情，令不少藝人無工開，泰臣亦已停工接近七個月：「真係踏入2020年之後，無晒所有幕前嘅工作到依家，好彩我都會有其他幕後嘅嘢做，（經濟）都頂到嘅！（TVB都冇工開？）係呀，希望監製們可以搵我啦，我除咗搞笑，乜都做得！」