《陀槍師姐2020》煞科 滕麗名終於有時間執番個樣

20200629
東網電視
更多新聞短片
《陀槍師姐2020》煞科喇!
藝人宣萱、陳豪、羅仲謙、滕麗名、洪永城、林穎彤、鄧佩儀、麥美恩、黃建東等出席無綫劇集《陀槍師姐2020》煞科宴,一眾主演負責夾份埋單,皆大歡喜。
宣萱透露拍攝4個月以來非常瘋癲,皆因遇上疫情嚴重之時,當時人人戴口罩,政府也呼籲市民留家抗疫,但她卻日日開工,令其大感壓力。阿滕亦大表認同:「我哋不停唔喺屋企,因為禁聚令好多街戲變車戲,所以喺公司整晒車Cam之後,我哋就揸車出去,因為都係得我一個人,咪係聚到囉,真係好嘢㗎!」
談到劇集終於煞科,宣萱揚言需要放假休息,做自己之前沒時間做的事情,如執屋、陪狗、整牙、身體檢查等,阿滕亦表示:「前排疫情試過斷晒指甲同冇晒眼睫毛,依家咪整番晒佢囉!」
至於莊思明日前拍外景於公司車被偷手袋,懷疑是自己人所為,阿滕對此說:「平時私人嘢都交畀助手保管,所以唔使擔心,我覺得如果冇助手可以搵相熟嘅同事幫手睇住,最重要都係證件。」