同動物傳心師搞直播　張啟樂台灣遇怪事

藝人張啟樂（Ben）移居台灣發展演藝事業後，不時於網上主持節目與粉絲互動。一向有諗頭的他近日更與動物傳心師「阿喵」舉行直播節目，免費為觀眾的寵物線上傳心溝通，想不到未到農曆7月已有怪事發生！

Ben說：「本嚟有超過100位觀眾私訊咗佢哋嘅寵物資料同相片畀我，點知有朝起身發現突然唔見晒，真係嚇到我半死，仲四出搵IT高人幫手，尋人幾個鐘後有朋友自動請纓，我攞埋手提電腦、準備出發去約定地點時，點知啲資料又失驚無神出現番。」

被問是否浪費了時間？他說：「又唔可以咁講，喺科學角度嚟講，就提醒咗我要注意網絡保安。而呢件事都有好處，就係認識咗啲好熟悉網絡運作嘅朋友，日後再有啲咩問題，都有人問。」