宣美再否認隆胸傳聞：我個胸其實唔算好大

韓國女團Wonder Girls出身的性感女歌手宣美天生食唔肥，出道以來一向身形瘦削，她曾被網民批評她「瘦得好核突」而感到傷心，去年她靠做運動及飲食成功增肥近17磅，不少粉絲讚她顯得更漂亮及健康，卻因為增肥後上圍變得比之前豐滿而被網民質疑她做了隆胸手術，而昨日推出新歌《pporappippam》的她亮相網上節目時，就再次否認隆胸傳聞。

身高1米66的宣美在節目上指自己增肥前的體重是94.6磅，而現時則大約是110磅，她又談到網上的隆胸傳聞：「我參加咗《Water Bom 2018》活動，係要着上性感服裝射水槍嘅慶典，之後我個名後面就出現『隆胸手術』嘅關聯搜索詞，我又唔可以照X光畀大家睇，其實我個胸都唔係咁大，只係比起我嘅身形，睇上去好似會令人懷疑，但我真係冇隆胸。」

宣美又指最近在社交網了弟弟幫自己拍的性感照片，卻被海外粉絲留言攻擊，要求她回應「僭建」傳聞：「我就喺呢度回應啦，我真係冇做過，而且我個胸真係唔係好大。」