Cosplay有市場!嚴選四大台灣正妹迫爆Mon

2020年06月30日 12:00
東網電視
更多新聞短片
Cosplay界愈嚟愈多人加入,真係隨手都搵到正妹!
隨住網上文化愈嚟愈貼地,唔少網紅平地一聲雷,社交網Followers分分鐘比藝人更多,加上近年捲起一股Cosplay熱潮,今次就為大家搜羅多位Hot爆Mon嘅Coser界女神,為夏天帶來更多美女~
本身係美女直播打機主嘅Baby66,原來唔聲唔聲半隻腳踩入Coser界,有時會身穿Cosplay衣服開台直播,氹到啲網友心癢癢,佢更加係個星之卡比迷,雖然鏡頭前身材火辣,不過都有童真一面,唔少網友就留意到佢閨房內一櫃星之卡比,全部都同主人一樣咁Cute Cute!
由2008年開始接觸Cosplay嘅台妹Mon夢,經驗豐富仲會親手揮刀製作Cosplay戰衣,擁逾37萬粉絲嘅佢扮演過多個出名嘅動漫角色同虛擬偶像等,Mon夢更去過多個國家做Cosplay嘉賓及評審,一聽就知佢喺台灣Coser界嘅地位。
《龍珠》動漫裏面悟空「老婆」芝芝最近喺Cosplay界大受歡迎,於初版龍珠入面童年嘅芝芝更試過身穿比堅尼,當中台灣正妹Coser「肉肉Neneko」就獲大量網友激讚神還原,而肉肉仲擅長玩女撲裝,日系味勁濃。
最後一個台灣土生土長嘅正妹Coser就係「餓小璇miu」,擁40萬粉絲嘅佢成日都會派福利,仲周不時就會推出火辣寫真,身懷34E超激上圍,就自爆自己太鍾意食嘢所以先改名「餓小璇」,從大學就開始自己手做Cos衣服,自我介紹更加係「立志成為宅女之霸主的宅女」,認真厲害!