【新冠肺炎疑雲】譚凱琪晒唯美孕照：原來是懷孕症狀

藝人譚凱琪（Zoie）與圈外富貴男友莊日宇拍拖八年，今年三月兩人正式拉埋天窗，早前東網踢爆佢因有喜而辭演兩套劇集，不過Zoie一直未有承認。直至今日，佢喺社交網公布喜訊，並上載大肚孕照，相中佢身穿透明白紗，孕肚若隱若現，而老公則攬實Zoie，兩公婆頭碰頭，畫面十分溫馨。

Zoie並笑指懷孕初期出現不適，當時佢仲以為自己中招患上新冠肺炎，點知係有咗BB，認真烏龍！佢留言：「最近我在經歷一個奇妙旅程，由最初期感到身體不適、呼吸困難、容易疲倦，還發現有兩聲咳，令我非常擔心。之後我立即走去做深喉測試，還打算照X光，幸好測試結果是陰性，後來才發現原來這些都是懷孕初期的症狀，新生命就由這刻被我認知了。看著（着）肚子一天比一天大，食量一天比一天多，走路一天比一天慢，體重一天比一天增加，慢慢感受到你的存在，有種莫名其妙的感動。在這段時間我會加倍小心，以後我亦會盡最大努力去保護你，因為你的一切即將成為我的一切❤️」