唔使湊小鮮肉　菊梓喬終於有個大叔男友

歌手菊梓喬（Hana）早前為劇集《那些我愛過的人》片尾曲《我輸不起》拍攝 MV，Hana笑言：「今次終於有一個比較成熟型嘅男主角，次次都畀人笑我配小鮮肉，劇情要求男主角喺身邊保護照顧我，的確係幾溫暖幾sweet嘅，不過拍攝之後同事又話我個樣偏細，搞到隔籬個男主角變大叔系。」

這首歌是講述愛情中的角力，男女雙方都互不相讓，她說：「自己的確係一個幾堅強幾唔認輸嘅人，凡事都想盡力去做盡力爭取，但愛情就係另一個課題，唔可以太過執着，當失去先珍惜已經太遲。」

拍攝當日在赤柱一個開揚環境，有好多外籍少男少女玩水，她說：「好有初夏嘅感覺，班外籍少女好可愛，捉住我影相，個個都好青春。」室內屋企景有一個超大豪華浴缸，Hana跳入浴缸大擺pose影靚相留念，她說：「難得嘅浴照，可以望住咁開揚嘅海景，個人心情都會好好。」