【港姐起底】篋神吳秀明被譽為香港首席女結他手

港姐佳麗人才輩出，26歲吳秀明（Tabi）一身Pink lady look打扮、拖住個豹紋篋亮相成功搶Fo。雖現佢話自己係一名音樂教師，但其實佢來頭一啲都唔簡單，除咗係一個唱作歌手、曾推出多首歌曲外，喺佢社交網亦以唱作歌手、製作人、唱片騎師和結他手自居，真係周身刀。

而佢個社交網的確上載多首個人作品MV，才華洋溢。被譽為香港首席女結他手嘅佢，上載過一段自彈「台灣天團」五月天作品《動物派動》相當狂野，展示出真功夫。曾經攞過唔少音樂獎項嘅佢，亦曾參與過電影《那一天我們會飛》插曲、電影《喜怒哀樂》主題曲，以及不同微電影音樂等等。佢話希望透過音樂，可以播種般把愛與夢想傳播到每一個人的世界，人善心美真係好有大愛呀。