港姐面試:250佳麗報名 Foul淨10個最高質

2020年06月30日 16:44
東網電視
更多新聞短片
今日已經見咗79位佳麗,加埋海外佳麗,最後得番10個最高質素嘅。
《2020香港小姐競選》繼上星期進行網上面試後,今日在將軍澳電視城正式舉行首輪面試,大會稱今年港姐總共有250人報名,今日則會見了79位佳麗,但當中有一位佳麗因身體不適,與傳媒緣慳一面。大會今晚將舉行另一場網上面試,包括與海外佳麗會面,隨後預計會挑選出約35人進入複選。
無綫高層杜之克、余詠珊、樂易玲等與佳麗面試後見傳媒,問到為何今次又會有實體面試?余詠珊表示:「我哋點都要面對面,攞佢哋啲文件嚟睇係咪真或有冇甩漏,今晚就再做網上,畀網民揀邊啲可以入圍。」問到可是有參賽者甩底沒來?她表示:「年年都有人冇嚟,今年唔算多,但質素好好,好多靚嘅女仔,如果依家揀,計佢哋未裝身、training,要揀10個最好質素嘅出嚟,再揀冠亞季都難。」
余詠珊又透露今晚會在網上見埋海外佳麗:「上次見咗啲,今次再有啲新嘅,見完之後覺得佢哋真係好好,先會再叫佢哋返嚟,隔離14日都係個考驗,不過好多training都可以網上進行。」她又透露今晚揀完,再加埋大會分數,預計大約會揀35人進入第二輪面試。問到網上見完今次再見真人有何分別?她表示:「唔同,高度、體重、身形、面色、化妝等都唔同,着泳衣又係第二個考驗。」問到今年可有外景?她就謂未公布,只謂會有很多網上新元素。