何雁詩自認文盲 中文水準得中二程度

2020年06月30日 17:42
東網電視
更多新聞短片
何雁詩自認文盲。
歌手何雁詩現身電台宣傳新歌,透露今年預計出三首歌,係夢想三部曲:「今次係第二部曲,鼓勵追夢嘅人,過程雖然波折重重,但夢想係自己,人哋講嘅所有負面嘅嘢都會過去,呢首係我自己作,用咗30分鐘就起咗個大概,而第三首歌大概會年底結婚時推出,嗰首就好Sweet。(作曲定填詞?)作曲,填詞我唔識,我文盲,中二開始讀國際學校,我啲中文水準去到中二程度。(作曲未婚夫鄭俊弘有冇畀意見?)佢有,我作緊時,佢都用結他彈,佢原本話作畀我跟住寫我個名。(請槍?)係,但我話唔要,我要靠自己。」
問到11月嘅婚禮籌備成點?佢話要搞歌先,婚禮留畀專業人士操心,等家人去決定,又話蜜月都未定,問到會唔會快生BB?佢話:「未咁快生,想30歲先生B,仲有幾年。」