改變心態面對困難　吳林峰巴士奇遇搵靈感

歌手吳林峰為新歌《巴士光年》到電台宣傳，自製「特大乘車證」，印有佢MV嘅QR Code，好有心思，佢話：「呢首歌講巴士上嘅故事，講我有一次塞車嘅經歷，本來好趕時間，塞到都放棄，車上有一個媽咪帶住個囝囝要趕路，媽咪喺電話畀人催，好心急好燥，阿仔叫佢冷靜啲，趕唔到就唔好去，佢講完出嚟原本好燥嘅乘客都笑咗出嚟，氣氛轉變晒…」這個情景令吳林峰得到靈感，認為就算改變不到環境亦可以改變自己的心境：「嚟緊嘅日子好難過，大家輕鬆笑一笑去面對。」

新碟將於8月面世，歌曲集友情、夢想、生活。問為何沒有愛情？佢話：「我本身寫嘅好多都親身經歷，自己拍拖次數唔多，同埋感情問上都好簡單，所以極少寫情歌，寫嘅歌都係生活化多啲。」